一直都好希望學織冷背心，但一直都唔知可以去邊度學。一次向朋友提出一起學，便開始了一起跟她的媽媽學織，其實學得挺快，如果不是她媽媽間中要回大陸的話，應該一個月內是可以學起的。今天終於完成了95%了，另外那5%只是織邊，衫已經可以穿上身。嘻嘻，看看我的作品。

今晚放工後跟平時一樣去游水，但今日好危丫。當日終於落大池游啦，初初都有d驚嫁，但游游下就無事了，游自由式還是比蛙式累，可能還未習慣。游了四十五分鐘後走人，入到更衣室，發現唔見左條鎖匙。嘩!!大件事，好驚丫，當我諗住搵人幫時，我走返去lock睇下，原來起個lock度丫，好危好危，檢查過後好彩無野唔見，也好彩無比人知，如果唔係”魚”死丫。

今晚到努力織埋背心另一邊肩帶，星期一要再上堂啦。

今日最驚訝，莫過於返到公司無左個電話。一早返到公司同事已同我講電話拆了。我沒有立刻問為何，到差不多吃食時間，見同事也得閒一點，便問電話去了那裡。他說老闆話你不用電話了，咩話!!咩意思丫，咁擺明話我講得多電話啦，喂!我都認我都真係有講下電話，但好多時我都係幫同事聽電話，留口訊咋喎。不過現在都好，無電話連其他人電話都唔洗聽，正所謂[少做少錯，唔做唔錯]，反正我最怕接到佢電話，可以光明正大唔聽電話了。不過，雖然這樣說，但心還是有點不舒服。可以証明佢對我唔係好順眼。覺得今年好黑呢!!

好開心丫，今日成功購入孫燕姿奏唱會票丫，不過要$200呢!但也是值得的。孫燕姿唱歌好好聽嫁。特別唱live丫，好期待丫。

一直都好想知道倉頡標點怎樣打，但又唔知問邊個好，問過D人又唔識。咁諗住上網找下，點知真係有喎。佩服互聯網的面世，互聯網真是一個自學的好工具呢!!

為了換領麥記的公仔，放工後刻意到麥記食野，本來想換小貓公仔，但比我”喵”到仲有Hello kitty多，我便問姐姐仔仲可唔可以換，答案係可以。好野!!一直都好想換Hello kitty，但miss左個期，現在如願以賞換返。

西瓜Hello kitty

今晚努力織背心，但好似織極都唔夠長，我諗星期四都係織唔切。

昨晚發生了不偷快事件,不願再提,總之好煩.星期六放工除了回家趕織頸巾,還為自己找了點娛樂,就是租漫畫及租vcd.本只想租”岩丸動物診療所”,但比我發現一直期待的”太陽呑示錄”也出了,好開心丫,立刻攞起唔放,這本漫畫是我最近的至愛.在一次不驚意下,在bookcafe看起來的,之前完全不知道故事是什麼,有何值得看,只是隨手拿起,看了兩集已發覺很愛了. 而這本漫畫是講我一直不太留意的政治問題. 欣賞作者的故事安排,由一次大災難,引至各種的政治問題,宗教對心理創傷,再由兩個不同的經濟體系的管理下各帶來的利弊,但我估到最後會不會是說命運的安排!?好期待第九期,但沒有下期預告,可能出版遙遙無期了,睇黎有排等啦.

今日同事帶了她的小寶寶回來,好可愛唷!還記得我進這公司不久她便出生了,這樣又一年了,這年有得過也有失過,來得快也走得快.

今天的日記大多都是昨天的,因昨晚看”老友狗狗”太夜,所以無力打.嘻,其實係懶.昨天跟鄭鄭游完水後,再約了菁去看戲.就係剛剛上的狗狗電影.我一直都好想睇嫁,多得鄭鄭提意,當然立刻話好啦.

“老友狗狗”一齣有笑有淚的電影. 是由四個單元故事組合而成.有的單元令人傷心,有的令人發笑,還有很多可愛到震的小狗.最令我感動莫過於最後的單元故事.未必每個人都有過飼養寵物的經驗,但總經歷過與愛過的人和物分離,願每個人都珍惜曾經擁有的時刻.

頸巾已識好一舊冷了,不過還是擔心織唔切.努力吧!!

“一舊冷的長度”

今晚早了寫日記,原因是為了趕織頸巾,怕織後太晚又無寫. 昨晚發了個很好很甜的夢,是一個我好掛住掛住的人,令我真的唔多想起身. 明知只是發夢但都好開心,好唔捨得丫.

今日起公司上呀咩網站時,唔覺意咁入左去一個好靚好靚的網站.公仔好Q,顏色也很搶眼,網主的文筆也很好,一看便知網主是個幸福的小公主啦,很值得看的.

昨天miss了朋友的一個電話,覆電話給她時,已發現佢已唔多開心,說遲d覆我. 我也唔打擾佢. 但昨晚她並沒有打給我了. 下午lunch後佢再打給我,原來佢同男朋友分手了.其實我所知已不是第一次了. 佢好希望男朋友能積極點蓄錢為將來打算,但奈何佢男朋友就係鐘意玩的人. 他們已不是第一次為這原因分手,我也跟她說過”你們的路都不同無為再勉強”,雖然說話是這樣說,但我知佢好唔捨得.

已很努力織頸巾,但還是怕趕不及呢!..有點後悔織得太闊,但已織了三分一,不能改了. 希望表妹喜歡啦.

好了!要開工啦.明天再寫.